БОЖЕ́СТВЕННАЯ ЛІТУ́РГІЯ СВ. ЙОА́ННА ЗЛАТОУ́СТАГО
Ієрей (тихо):
Благослове́н Бо́г на́ш, всегда́, ни́ні і при́сно, і во ві́ки віко́в. Амі́нь
Mennyei Király:
Царю́ Небе́сний, Уті́шителю, Ду́ше і́стини, і́же везді́ си́й і вся́ ісполня́яй, Сокро́вище благи́х і жи́зни Пода́телю, прийди і всели́ся в ни́, і очи́сти ни от вся́кія скве́рни, і спаси́, Бла́же, душі́ на́ша.
Сла́ва во ви́шніх Бо́гу, і на землі́ ми́р, во челові́ціх благоволе́ніє. 2X
Го́споди, устні́ мої́ отве́рзеши, / і уста́ моя́ возвістя́т хва́лу Твою́.
Ієрей: Благослове́но ца́рство, Отца́, і Си́на, і Свята́го Ду́ха, ни́ні і при́сно, і во ві́ки віко́в.
Люди: Амі́нь.
Ієрей: Ми́ром Го́споду помолі́мся.
Люди: Го́споди, поми́луй.
Ієрей: О сви́шнім ми́рі, і спасе́нії ду́ш на́ших, Го́споду помолі́мся.
Люди: Го́споди, поми́луй.
Ієрей: О ми́рі всего́ мі́ра, благостоя́нії святи́х бо́жіїх Церкве́й, і соєдине́нії всі́х, Го́споду помолі́мся.
Люди: Го́споди, поми́луй.
Ієрей: О святі́м хра́мі се́м, і с ві́рою, благогові́нієм і стра́хом бо́жим входя́щих в о́нь, Го́споду помолі́мся.
Люди: Го́споди, поми́луй.
Ієрей: О святі́йшем вселе́нстім Архієрє́ ї на́шем ім’я (Францісці), Па́пі Ри́мстім, і о боголюби́вім Єпи́скопі на́шем Ки́р ім’я (Нілi), честні́м пресві́терстві, во Христі́ дия́констві, о все́м при́чті і лю́дех, Го́споду помолі́мся.
Люди: Го́споди, поми́луй.
(hadseregért és világi hatalmakért:)
Ієрей: О предержа́щих власте́х на́ших і о все́м во́інстві, Го́споду помолі́мся.
Люди: Го́споди, поми́луй.
Városért / községért / lakóhelyért
Ієрей: О гра́ді се́м, / О ве́сі се́й / О святі́й оби́тели се́й вся́ком гра́ді, страні́, і ві́рою живу́щих в ни́х, Го́споду помолі́мся.
Люди: Го́споди, поми́луй.
Ієрей: О благорастворе́нії возду́хов, о ізoби́лії плодо́в земни́х, і вре́меніх ми́рних, Го́споду помолі́мся.
Люди: Го́споди, поми́луй.
Ієрей: О пла́вающих, путеше́ствующих, неду́гующих, стра́ждущих, пліне́нних, і о спасе́нії ї́х, Го́споду помолі́мся.
Люди: Го́споди, поми́луй.
________________________________________________________________
Якщо молимося за конкретних усопших: (Konkrét elhunytakért)
Ієрей: О рабі́ бо́жіїм (іли́ рабі́ бо́жієй, іли́ рабі́х бо́жіїх) (ім’я), і блаже́нній па́мяти єго́ (іли́ єя́, іли́ ї́х ), і о є́же прости́тися вся́кому прегріше́нію єго́ (іли́ єя́, іли́ ї́х ) во́льному і нево́льному, Го́споду помолі́мся.
Ієрей: О є́же неoсужде́нно предста́ти єму́ (іли́ є́й, іли́ ї́м ) стра́шному суди́щу Христо́ву, і вчини́ти ду́шу єго́ (іли́ єя́, іли́ ї́х ) в страні живи́х, в мі́сті сві́тлі, іді́же всі́ святі́ї пра́веднії упокоя́ются, Го́споду помолі́мся.
_________________________________________________________________
Ієрей: О ізба́витися на́м от вся́кія ско́рби, гні́ва і ну́жди, Го́споду помолі́мся.
Люди: Го́споди, поми́луй.
Ієрей: Заступи́, спаси́, поми́луй і сохрани́ на́с, Бо́же, Твоє́ю благода́тію.
Люди: Го́споди, поми́луй.
Ієрей: Пресвяту́ю, Пречи́стую, Преблагослове́нную, сла́вную Влади́чицу на́шу Богоро́дицу і Присноді́ву Марі́ю, со всі́ми святи́ми помяну́вше, са́мі себе́, і дру́г дру́га, і ве́сь живо́т на́ш Христу́ Бо́гу предади́м.
Люди: Тебі́, Го́споди.
Ієрей (вголос): Я́ ко подоба́єт Тебі́ вся́кая сла́ва, че́сть і поклоне́ніє, Отцу́, і Си́ну, і Свято́му Ду́ху, ни́ні і при́сно, і во ві́ки
віко́в.
Люди: Амі́нь.
Ієрей промовляє тихо молитву першого антифону:
Го́споди Бо́же на́ш, єго́же держа́ва несказа́нна, і сла́ва непостижи́ма, єго́же ми́лость безмі́рна і человіколю́біє неізрече́нно: са́м, Влади́ко, по благоутро́бію Твоєму́, при́зри на ни́, і на святи́й хра́м се́й, і сотвори́ с на́ми, і моля́щимися с на́ми, бога́тия ми́лости Твоя́, і щедро́ти Твоя́.
Антифон 1
Ієрей: Па́ки і па́ки ми́ром Го́споду помолі́мся.
Люди: Го́споди, поми́луй.
Заступи́, спаси́, поми́луй і сохрани́ на́с, Бо́же, Твоє́ю благода́тію.
Люди: Го́споди, поми́луй.
Пресвяту́ю, Пречи́стую, Преблагослове́нную, сла́вную Влади́чицу на́шу Богоро́дицу і Присноді́ву Марі́ю, со всі́ми святи́ми помяну́вше, са́мі себе́, і дру́г дру́га, і ве́сь живо́т на́ш Христу́ Бо́гу предади́м.
Люди: Тебі́, Го́споди.
Ієрей (вголос): Я́ ко Твоя́ держа́ва, і Твоє є́сть ца́рство і си́ла і сла́ва, Отца́, і Си́на, і Свята́го Ду́ха, ни́ні і при́сно, і во ві́ки
віко́в.
Люди: Амі́нь.
Ієрей промовляє тихо:
Го́споди Бо́же на́ш, спаси́ лю́ди Твоя́, і благослови́ достоя́ніє Твоє́, ісполне́ніє Це́ркве Твоєя́ сохрани́, освяти́ лю́бящия благолі́піє до́му Твоєго́: Ти́ ті́х возпросла́ви боже́ственною Твоє́ю си́лою, і не оста́ви на́с упова́ющих на Тя́.
Антифон 2
Ієрей: Па́ки і па́ки ми́ром Го́споду помолі́мся.
Люди: Го́споди, поми́луй.
Заступи́, спаси́, поми́луй і сохрани́ на́с, Бо́же, Твоє́ю благода́тію.
Люди: Го́споди, поми́луй.
Пресвяту́ю, Пречи́стую, Преблагослове́нную, сла́вную Влади́чицу на́шу Богоро́дицу і Присноді́ву Марі́ю, со всі́ми святи́ми помяну́вше, са́мі себе́, і дру́г дру́га, і ве́сь живо́т на́ш Христу́ Бо́гу предади́м.
Люди: Тебі́, Го́споди.
Ієрей (вголос): Я́ ко бла́г і человіколю́бец Бо́г єси́, і Тебі́ сла́ву возсила́єм, Отцу́, і Си́ну, і Свято́му Ду́ху, ни́ні і при́сно, і во ві́ки віко́в.
Люди: Амі́нь.
Ієрей промовляє тихо:
І́же о́бщия сія́, і согла́сния дарова́вий на́м моли́тви, і́же і двіма́, іли́ тре́м, согласу́ющимся о і́мені Твоє́м, проше́нія пода́ти обіща́вий: са́м і ни́ні раб Твої́х проше́нія к поле́зному іспо́лни, подая́ на́м і в настоя́щем ві́ці позна́ніє Твоєя́ і́стини, і в бу́дущем живо́т ві́чний да́руя.
Антифон 3.
Ієрей (тихо):
Влади́ко Го́споди Бо́же на́ш, уста́вивий на небесі́х чи́ни, і во́інства а́нгел і арха́нгел, в служе́ніє Твоєя́ сла́ви: сотвори́ со вхо́дом на́шим, вхо́ду святи́х а́нгел би́ти, сослужа́щих на́м, і сославосло́вящих Твою́ благость. Я́ко подоба́єт Тебі́ вся́кая сла́ва, че́сть і поклоне́ніє, Отцу́, і Си́ну, і Свято́му Ду́ху, ни́ні і при́сно, і во ві́ки віко́в. Амі́нь
(szenteid bemenetele)
Ієрей (благословляючи у сторону Сходу, тихо): Благослове́н вхо́д святи́х Твої́х, всегда́, ни́ні і при́сно, і во ві́ки віко́в.
Ієрей (підносячи Євангеліє вголос мовить): Прему́дрость, про́сті.
(jertek, imádjuk Krisztust...)
Люди: Прийді́те, поклоні́мся і припаде́м ко Христу́: / Спаси́ ни, Си́не Бо́жий:...
Тропари, контаки
Ієрей тихо молиться молитву Трисвятого: (Szent Isten, ki a szentekben nyugszol)
Бо́же святи́й, і́же во святи́х почива́яй, і́же трисвяти́м гла́сом от серафи́мов воспіва́ємий, і от херуви́мов славосло́вимий, і от вся́кія небе́сния си́ли покланя́ємий: і́же от небитія́ во є́же би́ти приведи́й вся́ческая, созда́вий челові́ка по о́бразу Твоєму́ і по подо́бію, і вся́ким Твої́м дарова́нієм украси́вий: дая́й прося́щему прему́дрость і ра́зум, і не презира́яй согріша́ющаго, но полага́яй на спасе́ніє покая́ніє: сподо́бивий на́с, смире́нних і недосто́йних раб Твої́х, і в ча́с се́й ста́ти пред сла́вою свята́го Твоєго́ же́ртвенника і до́лжноє Тебі́ поклоне́ніє і славосло́віє приноси́ти: са́м, Влади́ко, прийми́ і от у́ст на́с грі́шних трисвяту́ю пі́снь, і посіти́ ни бла́гостію Твоє́ю. Прости́ на́м вся́коє согріше́ніє,во́льноє же і нево́льноє, освяти́ на́ша ду́ши і тілеса́, і да́ждь на́м в преподо́бії служи́ти Тебі́ вся́ дни живота́ на́шего, моли́твами святи́я Богоро́дици, і всі́х святи́х, от ві́ка Тебі́ благоугоди́вших.
(..mert szent vagy Te mi Istenünk...)
Ієрей: Я́ко свят єси́, Бо́же на́ш, і Тебі́ сла́ву возсила́єм, Отцу́, і Си́ну, і Свято́му Ду́ху, ни́ні і при́сно i во ві́ки віко́в.
Люди: Амі́нь.
Святи́й Бо́же святи́й крі́пкий святи́й безсме́ртний, поми́луй на́с. (3)
Ієрей (тихо):
Благослове́н єси́ на престо́лі сла́ви ца́рствія Твоєго́, сідя́й на херуви́міх, всегда́, ни́ні і при́сно, і во ві́ки віко́в.
Ієрей: Во́ньмим. Ми́р всі́м. Прему́дрость, во́ньмим.
Прокімен
Ієрей: Прему́дрость.
Читець: надпис читання Апостола
Ієрей: Во́ньмим.
Після завершення Апостола ієрей промовляє до того хто читав:
Ми́р ти́. - Прему́дрость, во́ньмим.
Люди: Аллилу́я
Ієрей тихо промовляє молитву: (Gyújtsd föl szíveinkben)
Возсія́й в сердца́х на́ших, человіколю́бче Влади́ко, Твоєго́ богоразу́мія нетлі́нний сві́т, і ми́сленния на́ши отве́рзи о́чі во є́же разумі́ти єва́нгелская Твоя́ пропові́данія. Вложи́ в на́с і стра́х блаже́нних Твої́х за́повідей, да плотскі́я по́хоти вся́ попра́вше, духо́вноє жи́тельство про́йдем, вся́, я́же ко благоугожде́нію Твоєму́, і му́дрствующе і ді́юще. Ти́ бо єси́ просвіще́ніє ду́ш і тіле́с на́ших, Христе́ Бо́же, і Тебі́ сла́ву возсила́єм, со безнача́льним Твої́м Отце́м, і Пресвяти́м і благи́м і животворя́щим Твої́м Ду́хом, ни́ні і при́сно, і во ві́ки віко́в. Амі́нь.
Ієрей: Прему́дрость, про́сті, усли́шим свята́го Єва́нгелія. Ми́р всі́м.
Люди: І ду́хові твоєму́.
Ієрей: От (Матфея / Марка / Луки / Йоана) свята́го Єва́нгелія чте́ніє.
Люди: Сла́ва Тебі́, Го́споди, сла́ва Тебі́.
Ієрей: Во́ньмим.:
...
Люди: Сла́ва Тебі́, Го́споди, сла́ва Тебі́.
(Mondjuk mindnyájan)
Ієрей: Рце́м всі́ от всея́ души́, і от всего́ помишле́нія на́шего рце́м.
Люди: Го́споди, поми́луй.
Го́споди вседержи́телю, Бо́же оте́ц на́ших, мо́лимтися, усли́ши і поми́луй.
Люди: Го́споди, поми́луй.
Поми́луй на́с, Бо́же, по вели́цій ми́лості Твоє́й, мо́лимтися, усли́ши і поми́луй.
Люди: Го́споди, поми́луй (3).
Ієрей (молиться тихо):
Го́споди Бо́же на́ш, прилі́жноє сіє моле́ніє прийми́ от Твої́х раб, і поми́луй на́с по мно́жеству ми́лости Твоєя́, і щедро́ти Твоя́ низпосли́ на ни́ і на вся́ лю́ди Твоя́, ча́ющия от Тебе́ бога́тия ми́лости.
Ієрей: Єще́ мо́лимся о святі́йшем вселе́нстім Архієре́ї на́шем (ім’я) (Френцісці) Па́пі Ри́мстім, і о боголюби́вім Єпи́скопі на́шем Ки́р (ім’я - Нілi), о служа́щих і послужи́вших во святі́м хра́мі се́м, і о отці́х на́ших духо́вних, і все́й во Христі́ бра́тії на́шей.
Люди: Го́споди, поми́луй (3).
Ієрей: Єще́ мо́лимся о предстоя́щих лю́дех, ожида́ющих от Тебе́ вели́кія і бога́тия ми́лости, за творя́щих на́м ми́лостиню і за вся́ правосла́вния христия́ни.
Ієрей: Я́ко ми́лостив і человіколю́бец Бо́г єси́, і Тебі́ сла́ву возсила́єм, Отцу́, і Си́ну, і Свято́му Ду́ху, ни́ні і при́сно, і во ві́ки віко́в.
Люди: Амінь
(Ide jönnek a gyászliturgia ekténiái)
(Hívők első imája)
Ієрей (тихо молиться першу молитву вірних):
Благодари́м Тя́, Го́споди Бо́же си́л, сподо́бившаго на́с предста́ти і ни́ні свято́му Твоєму́ же́ртвеннику, і припа́сти ко щедро́там Твої́м о на́ших грісі́х, і о людски́х неві́дініїх: прийми́, Бо́же, моле́ніє на́ше, сотвори́ ни досто́йни би́ти, є́же приноси́ти Тебі́ моле́нія і мольби, і же́ртви безкро́вния о всі́х лю́дех Твої́х: і удовли́ на́с, і́хже положи́л єси́ в слу́жбу Твою́ сію́, си́лою Ду́ха Твоєго́ свята́го, неосужде́нно і непреткнове́нно в чи́стім свиді́тельстві со́вісти на́шея, призива́ти Тя́ на вся́коє вре́мя і мі́сто: да послу́шая на́с, ми́лостив на́м бу́деши, во мно́жестві Твоєя́ благости.
Ієрей: Заступи́, спаси́, поми́луй і сохрани́ на́с, Бо́же, Твоє́ю благода́тію.
Люди: Го́споди, поми́луй.
Ієрей: Я́ ко подоба́єт Тебі́ вся́кая сла́ва, че́сть і поклоне́ніє, Отцу́, і Си́ну, і Свято́му Ду́ху, ни́ні і при́сно, і во ві́ки віко́в.
Люди: Амі́нь.
Ієрей: Па́ки і па́ки ми́ром Го́споду помолі́мся.
Люди: Го́споди, поми́луй.
Ієрей (тихо молиться друху молитву вірних):
Па́ки, і мно́гажди Тебі́ припа́даєм, і Тебі́ мо́лимся, бла́же і человіколю́бче, я́ко да призрі́в на моле́ніє на́ше, очи́стиши на́ша ду́ши і тілеса́ от вся́кія скве́рни пло́ти і ду́ха, і да́си на́м непови́нноє і неосужде́нноє предстоя́ніє свята́го Твоєго́ же́ртвенника. Да́руй же, Бо́же, і моля́щимся с на́ми преспі́яніє житія́ і ві́ри і ра́зума духо́внаго: да́ждь ї́м всегда́ со стра́хом і любо́вію служа́щим Тебі́, непови́нно і неосужде́нно причасти́тися святи́х Твої́х Та́їн, і небе́снаго Твоєго́ ца́рствія сподо́битися.
Ієрей: Заступи́, спаси́, поми́луй і сохрани́ на́с, Бо́же, Твоє́ю благода́тію.
Люди: Го́споди, поми́луй.
Ієрей: Прему́дрость. - Я́ ко да под держа́вою Твоє́ю всегда́ храни́ми, Тебі́ сла́ву возсила́єм, Отцу́, і Си́ну, і Свято́му Ду́ху, ни́ні і при́сно, і во ві́ки віко́в.
Люди: Амі́нь.
(Kik a kerubokat...)
Люди: І́же херуви́ми та́йно образу́юще, / і животворя́щей Тро́йці трисвяту́ю пі́снь принося́ще, / вся́кую
Ієрей (тихо): (Senki sem méltó..)
Никто́же досто́їн от связа́вшихся плотски́ми похотьми́ і сластьми́, приходи́ти, іли́ прибли́житися, іли́ служи́ти Тебі́, Царю́ сла́ви: є́же бо служи́ти Тебі́, вели́ко і стра́шно і сами́м небе́сним си́лам. Но оба́че, неізрече́ннаго ра́ди і безмі́рнаго Твоєго́ человіколю́бія, непрело́жно і неізмі́нно би́л єси́ челові́к, і архієре́й на́м би́л єси́, і служе́бния сея́ і безкро́вния же́ртви священноді́йствіє пре́дал єси́ на́м, я́ко Влади́ка всі́х: Ти́ бо єди́н, Го́споди Бо́же на́ш, влади́чествуєши небе́сними і земни́ми, і́же на престо́лі херуви́мсті носи́мий, і́же серафи́мов Госпо́дь і ца́рь Ізра́ілев, і́же єди́н свя́т і во святи́х почива́яй. Тя́ у́бо молю́ єди́наго блага́го і благопослушли́ваго: при́зри на мя́ грі́шнаго і непотре́бнаго раба́ Твоєго́, і очи́сти мою́ ду́шу і се́рдце от со́вісти лука́вия, і удовли́ мя, си́лою свята́го Твоєго́ Ду́ха, облече́нна благода́тію свяще́нства, предста́ти святі́й Твоє́й се́й трапе́зі і священноді́йствовати свято́є і пречи́стоє Твоє́ ті́ло і честну́ю кро́вь. К Тебі́ бо прихожду́, прикло́нь мою́ ви́ю, і молю́тися, да не отврати́ши лица́ Твоєго́ от мене́, ниже́ отри́неши мене́ от о́трок Твої́х: но сподо́би принесе́нним Тебі́ би́ти, мно́ю грі́шним і недосто́йним рабо́м Твої́м, даро́м сим: Ти́ бо єси́ принося́й і приноси́мий, і пріє́мляй і раздава́ємий, Христе́ Бо́же на́ш, і Тебі́ сла́ву возсила́єм, со безнача́льним Твої́м Отце́м, і Пресвяти́м і благи́м і животворя́щим Твої́м Ду́хом, ни́ні і при́сно, і во ві́ки віко́в. Амінь
Ієрей промовляє тричі:
І́же херуві́ми та́йно образу́юще, і животворя́щей Тро́йці трисвяту́ю пі́снь принося́ще, вся́кую ни́ні жите́йскую отвержи́м печа́ль. Я́ ко да царя́ всі́х поди́мем, а́нгельскими неви́димо дориноси́ма чи́нми. Аллилу́я, аллилу́я, аллилу́я.
(Isten, légy irgalmas nekem, bűnösnek. Békességben emelkétek fel kezeiteket a szentekhez...)
Ієрей: Бо́же, ми́лостив бу́ди мні́ грі́шному. Воздіжи́те ру́ки в а́ша во свята́я, і благослови́те Го́спода.
Ієрей: Святі́йшаго вселе́нскаго Архієре́я на́шего (ім’я - Франциска), Па́пу Ри́мскаго, і боголюби́ваго Єпи́скопа на́шего Ки́р (ім’я - Ніла), і ве́сь свяще́нническій, диа́конский і і́ноческий чи́н, благоро́дних і приснопомина́ємих кти́торей і благоді́телей свята́го хра́ма сего́ (іли́ святи́я оби́тели сея́ ) і всі́х ва́с, правосла́вних христия́н, да помяне́т Госпо́дь Бо́г во ца́рствії своє́м, всегда́, ни́ні і при́сно, і во ві́ки віко́в.
Люди: Амі́нь.
(Mert a mindenek...)
Я́ко да царя́ всі́х поди́мем, а́нгельскими неви́димо дориноси́ма чи́нми. Аллилу́я, аллилу́я, аллилу́я.
Ієрей промовляє молитву:
Благоoбра́зний Йо́сиф, с дре́ва сне́м пречи́стоє ті́ло Твоє́, плащани́цею чи́стою обви́в, і благоуха́ньми во гро́бі но́ві покри́в, положи́.
Ублажи́, Го́споди, благоволе́нієм Твої́м Сіо́на, і да сози́ждутся сті́ни Єрусали́мскія: тогда́ благоволи́ши же́ртву пра́вди, возноше́ніє і всесожега́ємая, тогда́ возложа́т на олта́рь Тво́й телци́.
Іспо́лним моли́тву на́шу Го́сподеві.
О предложе́нних честни́х дарі́х, Го́споду помолі́мся.
О святі́м хра́мі се́м, і с ві́рою, благогові́нієм і стра́хом бо́жіїм входя́щих в о́нь, Го́споду помолі́мся.
О ізба́витися на́м от вся́кія ско́рби, гні́ва і ну́жди, Го́споду помолі́мся.
Ієрей (тихо) ...ki a dicséret áldozatát elfogadod mindazoktól...:
Го́споди Бо́же Вседержи́телю, єди́не свя́те, приє́мляй же́ртву хвале́нія от призива́ющих Тя́ всі́м се́рдцем, прийми́ і на́с грі́шних моле́нія і принеси́ ко свято́му Твоєму́ же́ртвеннику, і удовли́ на́с приноси́ти Тебі́ да́ри же і же́ртви духо́вния о на́ших грісі́х і о людски́х неві́дініїх: і сподо́би на́с обрісти́ благода́ть пред Тобо́ю, є́же би́ти Тебі благопрія́тній же́ртві на́шей, і всели́тися Ду́ху благода́ти Твоєя́ благо́му в на́с, і на предлежа́щих дарі́х си́х, і на всіх людех Твоїх.
Ієрей: Заступи́, спаси́, поми́луй і сохрани́ на́с, Бо́же, Твоє́ю благода́тію.
Дне́ всего́ соверше́нна, свя́та, ми́рна і безгрі́шна, у Го́спода про́сим.
Люди: Пода́й, Го́споди.
А́нгела ми́рна, ві́рна наста́вника, храни́теля ду́ш і тіле́с на́ших, у Го́спода про́сим.
Проще́нія і оставле́нія гріхо́в і прегріше́ній на́ших, у Го́спода про́сим.
До́брих і поле́зних душа́м на́шим, і ми́ра мі́рови, у Го́спода про́сим.
Про́чеє вре́мя живота́ на́шего в ми́рі і покая́нії сконча́ти, у Го́спода про́сим.
Христия́нскія кончи́ни живота́ на́шего, безболі́зненни, непости́дни, ми́рни і до́браго отві́та на стра́шнім суди́щі Христо́ві, про́сим.
Пресвяту́ю, Пречи́стую, Преблагослове́нную, сла́вную Влади́чицу на́шу Богоро́дицу і Присноді́ву Марі́ю, со всі́ми святи́ми помяну́вше, са́ми себе́, і дру́г дру́га, і ве́сь живо́т на́ш Христу́ Бо́гу предаді́м.
Люди: Тебі́ Господи.
(A te egyszülött Fiadnak...)
Ієрей (вголос): Щедро́тами єдиноро́днаго Си́на Твоєго́, с Ни́мже благослове́н єси́, со Пресвяти́м і благи́м і животворя́щим Твої́м Ду́хом, ни́ні і при́сно, і во ві́ки віко́в.
Люди: Амі́нь.
Ієрей: Ми́р всі́м.
Люди: І ду́хові твоєму́.
Ієрей: Возлю́бим дру́г дру́га, да єдиноми́слієм іспові́ми.
Люди: Отца́, і Си́на, і Свята́го Ду́ха, Тро́йцу єдиносу́щную і неразді́льную.
Ієрей (тихо) (Szeretlek én Uram, én Erősségem...):
Возлюблю́ Тя, Го́споди, крі́посте моя́, Госпо́дь утвержде́ніє моє́, і прибі́жище моє́. (3)
Ієрей: Две́рі, две́рі прему́дростію во́ньмим.
Всі разом:
Ві́рую во єди́наго Бо́га Отца́, Вседержи́теля, Творца́ не́бу і землі́, ви́димим же всім і неви́димим. І во єди́наго Го́спода Ісу́са Христа́, Си́на Бо́жія, Єдиноро́днаго, і́же от Отца́ рожде́ннаго пре́жде всіх вік. Сві́та от сві́та, Бо́га і́стинна от Бо́га і́стинна, рожде́нна, несотворе́нна, єдиносу́щна Отцу́, і́мже вся би́ша. Нас ра́ди челові́к і на́шего ра́ди спасе́нія сше́дшаго с небе́с, і воплоти́вшагося от Ду́ха Свята́ і Марі́ї Ді́ви, і вочелові́чшася. Распя́таго же за ни при Понті́йстім Пила́ті, і страда́вша, і погребе́нна, і воскре́сшаго в тре́тій день, по писа́нієм. І возше́дшаго на небеса́, і сідя́ща одесну́ю Отца́. І па́ки гряду́щаго со сла́вою суди́ти живи́м і ме́ртвим, Єго́же Ца́рствію не бу́дет конца́. І в Ду́ха Свята́го, Го́спода, Животворя́щаго, і́же от Отца́ і Си́на ісходя́щаго. І́же со Отце́м і Си́ном спокланя́єма і сослави́ма, глаго́лавшаго проро́ки. Во єди́ну, святу́ю, собо́рную і апо́стольскую Це́рков. Іспові́дую єди́но креще́ніє во оставле́ніє гріхов. Ча́ю воскресе́нія ме́ртвих. І жи́зни бу́дущаго ві́ка. Амі́нь.
Ієрей: Ста́нім до́брі, ста́нім со стра́хом, во́ньмим, свято́є возноше́ніє в ми́рі приноси́ти.
Люди: Ми́лость ми́ра, же́ртву хвале́нія.
Ієрей: Благода́ть Го́спода на́шего Ісу́са Христа́, і люби́ Бо́га і Отца́, і прича́стіє Свята́го Ду́ха, бу́ди со всі́ми ва́ми.
Люди: І со ду́хом твої́м.
Ієрей: Горі́ імі́їм сердца́.
Люди: І́мами ко Го́споду.
Ієрей: Благодари́м Го́спода.
юди: Досто́йно і пра́ведно є́сть, покланя́тися Отцу́, і Си́ну, і Свято́му Ду́ху, Тро́йці святі́й єдиносу́щній і неразді́льній.
Ієрей (тихо) (Méltó és igazságos téged áldani...):
Досто́йно і пра́ведно Тя́ пі́ти, Тя́ благослови́ти, Тя́ хвали́ти, Тя́ благодари́ти, Тебі покланя́тися на вся́ком мі́сті влади́чествія Твоєго́: Ти́ бо єси́ Бо́г неізрече́нен, недові́дом, неви́дим, непостижи́м, при́сно си́й, та́кожде си́й, Ти́, і єдиноро́дний Тво́й Си́н, і Ду́х Тво́й Святи́й: Ти́ от небитія́ в битіє́ на́с приве́л єси́, і отпа́дшия возста́ - вил єси́ па́ки, і не отступи́л єси́ вся́ творя́, до́ндеже на́с на не́бо возве́л єси́, і ца́рство Твоє́ дарова́л єси́ бу́дущее. О си́х всі́х благодари́м Тя́, і єдиноро́днаго Твоєго́ Си́на, і Ду́ха Твоєго́ Свята́го, о всі́х, і́хже ві́ми і і́хже не ві́ми, явле́нних і неявле́нних благодія́ніїх би́вших на на́с. Благодари́м Тя́ і о слу́жбі се́й, ю́же от ру́к на́ших прія́ти ізво́лил єси́, а́ще і предстоя́т Тебі ти́сящі арха́нгел і тми́ а́нгел, херуви́ми, і серафи́ми, шестокрила́тії, многоoчи́тії возвиша́ющіїся перна́тії.
Ієрей (вголос): Побі́дную пі́снь пою́ще, вопію́ще, взива́юще і глаго́люще.
Люди: Свя́т, свя́т, свя́т Госпо́дь Савао́т, іспо́лнь не́бо і земля́ сла́ви Твоєя́: оса́нна в ви́шніх, благослове́н гряди́й во і́мя Госпо́днє, оса́нна в ви́шних.
Ієрей (тихо) (Ezekkel a boldog seregekkel):
С си́ми і ми́ блаже́нними си́лами, Влади́ко человіколю́бче, вопіє́м і глаго́лем: свя́т єси́ і пресвя́т, Ти́, і єдиноро́дний Тво́й Си́н, і Ду́х Тво́й Святи́й: свя́т єси́ і пресвя́т, і великолі́пна сла́ва Твоя́, і́же мі́р Тво́й та́ко возлюби́л єси́, якоже Си́на Твоєго́ єдиноро́днаго да́ти, да вся́к ві́руяй в Него́ не поги́бнет, но і́мать живо́т ві́чний: і́же прише́д, і все́ є́же о на́с смотре́ніє іспо́лнив, в но́щь, в ню́же предая́шеся, па́че же са́м себе́ предая́ше за мірскі́й живо́т, пріє́м хлі́б во святи́я своя́ і пречи́стия і непоро́чния ру́ки, благодари́в і благослови́в (і благословля́єт), освяти́в, преломи́в, даде́ святи́м свої́м ученико́м і апо́столом, ре́к:
Ієрей (вголос): Приймі́те, яди́те, сіє́ є́сть ті́ло моє́, є́же за ви́ ломи́моє во оставле́ніє гріхо́в.
Люди: Амі́нь.
Ієрей (тихо): Подо́бні і ча́шу благословля́єт) по ве́чері, глаго́ля: (і па́ки Ієрей (вголос):
Пі́йте от нея́ всі́, сія́ є́сть кро́вь моя́ Но́ваго Заві́та, яже за ви́ і за мно́ги ізлива́ємая во оставле́ніє гріхо́в.
Люди: Амі́нь.
Ієрей (тихо):
Помина́юще у́бо спаси́тельную сію́ за́повідь, і вся́ я́же о на́с бившая: кре́ст, гро́б, тридне́вноє воскресе́ніє, на небеса́ восхожде́ніє, одесну́ю сіді́ніє, второ́є і сла́вноє па́ки прише́ствіє.
Ієрей (вголос): Твоя́ от Твої́х Тебі принося́ще, о всі́х і за вся́.
Люди: Тебе́ поє́м, Тебе́ благослови́м, Тебі́ благодари́м, Го́споди, і мо́лимтися,Бо́же на́ш.
Ієрей (тихо, тричі поклоняючись):
Єще́ прино́сим Ти́ слове́сную сію́, і безкро́вную слу́жбу, і про́сим, і мо́лим, і ми́лися ді́єм, низпосли́ Ду́ха Твоєго́ Свята́го на ни́ і на предлежа́щия да́ри сія́.
Благослови́, влади́ко, святи́й хлі́б. І сотвори́ у́бо хлі́б се́й, честно́є Ті́ло Христа́ Твоєго́.
А є́же в ча́ши се́й, честну́ю Кро́вь Христа́ Твоєго́.
Преложи́в Ду́хом Твої́м Святи́м.
Я́коже би́ти причаща́ющимся, во трезве́ніє души́, во оставле́ніє гріхо́в, в приобще́ніє Свята́го Твоєго́ Ду́ха, во ісполне́ніє ца́рствія небе́снаго, в дерзнове́ніє є́же к Тебі́, не в су́д, іли́ во осужде́ніє. Єще́ прино́сим Ти́ слове́сную сію́ слу́жбу, о і́же в ві́рі почи́вших, пра́oтціх, отці́х, патріа́рсіх, проро́ціх, апо́століх, пропові́дниціх, євангели́стіх, му́чениціх, іспові́дниціх, возде́ржниціх, і о вся́ком ду́сі пра́веднім в ві́рі сконча́вшемся.
(Kiváltképpen legszentebb...)
Ієрей (кадячи): Ізря́дно о Пресвяті́й, Пречи́стій, Преблагослове́нній, сла́вній Влади́чиці на́шей Богоро́диці і Присноді́ві Марі́ї.
Люди: Досто́йно є́сть я́ко воі́стинну, … (Valóban méltót beleírni)
Ієрей (тихо):
О святі́м Йоа́нні проро́ці, предте́чі і крести́телі, о святи́х сла́вних і всехва́льних апо́століх, о святі́м (ім’я), єго́же і па́мять соверша́єм, і о всі́х святи́х Твої́х, і́хже моли́твами посіти́ на́с, Бо́же.
І помяни́ всі́х усо́пших о наде́жді воскресе́нія жи́зни ві́чния. І упоко́й ї́х, іді́же присіща́єт сві́т лица́ Твоєго́.
Єще́ мо́лим Тя́, помяни́, Го́споди, вся́коє єпи́скопство правосла́вних, пра́во пра́вящих сло́во Твоєя́ і́стини, вся́коє пресві́терство, во Христі дия́конство, і вся́кій свяще́нническій чи́н.
Єще́ прино́сим Ти́ слове́сную сію́ слу́жбу, о вселе́нній, о святі́й, католи́честій і апо́стольстій Це́ркві, о і́ жи́тельстві пребива́ющих: о предержа́щих власте́х на́ших і о все́м во́інстві. Да́ждь ї́м, Го́споди, ми́рноє ца́рство, да і ми́ в тишині́ ї́х ти́хоє і безмо́лвноє житіє поживе́м, во вся́ком благоче́стії і чистоті́.
(Az elsők között emlékezzél meg...)
Ієрей (вголос): Во пе́рвих помяни́, Го́споди, святі́йшаго вселе́нскаго Архієре́я на́шего (ім’я Франциска) Па́пу Ри́мскаго, преосвяще́ннійшаго Архієпи́скопа і Митрополи́та на́шего Ки́р (ім’я- Ніла), і боголюби́ваго Єпи́скопа на́шего Ки́р (ім’я), і́хже да́руй святи́м Твої́м Це́рквам, в ми́рі ці́лих, че́стних, здра́вих, долгоде́н - ствующих, пра́во пра́вящих сло́во Твоєя́ і́стини.
Люди: І всі́х, і вся́.
Ієрей (тихо) (Emlékezzél meg Urunk ezen városról...):
Помяни́, Го́споди, гра́д се́й, в не́мже живе́м, (іли́ ве́сь сію́, в не́йже живе́м,іли́ оби́тель сію́, в не́йже живе́м ) і вся́кій гра́д і страну́, і ві́рою живу́щих в ни́х. Помяни́, Го́споди, пла́вающих, путеше́ствующих, неду́гующих, стра́ждущих, пліне́нних, і спасе́ніє ї́х. Помяни́, Го́споди, плодонося́щих і добротворя́щих восвяти́х Твої́х Це́рквах, і помина́ющих убо́гія, і на вся́ ни́ ми́лости Твоя́ низпосли́.
(És add, hogy egy szájjal...)
Ієрей (вголос): І да́ждь на́м єди́ними усти́ і єди́ним се́рдцем сла́вити і воспіва́ти пречестно́є і великолі́поє і́мя Твоє́, Отца́ і Си́на, і Свята́го Ду́ха, ни́ні і при́сно, і во ві́ки віко́в.
Люди: Амі́нь.
Ієрей: І да бу́дут ми́лости вели́каго Бо́га і Спа́са на́шего Ісу́са Христа́ со всі́ми ва́ми.
Люди: І со ду́хом твої́м.
(Minden szentekről megemlékezvén...)
Ієрей: Вся́ святи́я помяну́вше, па́ки і па́ки ми́ром Го́споду помолі́мся.
Люди: Го́споди, поми́луй.
О принесе́нних і освяще́нних честни́х дарі́х, Го́споду помолі́мся.
Люди: Го́споди, поми́луй.
Я́ ко да человіколю́бец Бо́г на́ш пріє́м я́ во святи́й і пренебе́сний і ми́сленний сво́й же́ртвенник, в воню́ благоуха́нія духо́внаго, возниспо́слет на́м боже́ственную благода́ть і да́р Свята́го Ду́ха, помолі́мся.
Люди: Го́споди, поми́луй.
О ізба́витися на́м от вся́кія ско́рби, гні́ва і ну́жди, Го́споду помолі́мся.
Люди: Го́споди, поми́луй.
Ієрей (тихо):
Тебі́ предлага́єм живо́т на́ш ве́сь і наде́жду, Влади́ко человіколю́бче, і про́сим, і мо́лим, і ми́лися ді́єм: сподо́би на́с причасти́тися небе́сних Твої́х і стра́шних та́їн, сея́ свяще́нния і духо́вния трапе́зи, с чи́стою со́вістію, во оставле́ніє гріхо́в, в проще́ніє согріше́ній, во обще́ніє Ду́ха Свята́го, в наслі́діє ца́рствія небе́снаго, в дерзнове́ніє є́же к Тебі́, не в су́д, іли́ во осужде́ніє.
Ієрей: Заступи́, спаси́, поми́луй і сохрани́ на́с, Бо́же Твоє́ю благода́тію.
Люди: Го́споди, поми́луй.
______________________________________________________________________
Дне́ всего́ соверше́нна, свя́та, ми́рна і безгрі́шна, у Го́спода про́сим.
Люди: Пода́й, Го́споди.
А́нгела ми́рна, ві́рна наста́вника, храни́теля ду́ш і тіле́с на́ших, у Го́спода про́сим.
Люди: Пода́й, Го́споди.
Проще́нія і оставле́нія гріхо́в і прегріше́ній на́ших, у Го́спода про́сим.
Люди: Пода́й, Го́споди.
До́брих і поле́зних душа́м на́шим, і ми́ра мі́рови, у Го́спода про́сим.
Люди: Пода́й, Го́споди.
Про́чее вре́мя живота́ на́шего в ми́рі і покая́нії сконча́ти, у Го́спода про́сим.
Люди: Пода́й, Го́споди.
Христия́нскія кончи́ни живота́ на́шего, безболі́зненни, непости́дни, ми́рни і до́браго отві́та на стра́шнім суди́щі Христо́ві, про́сим.
Люди: Пода́й, Го́споди.
Соєдине́ніє ві́ри і прича́стіє Свята́го Ду́ха іспроси́вше, са́мі себе́, і дру́г дру́га, і ве́сь живо́т на́ш Христу́ Бо́гу предади́м.
Люди: Тебі́, Го́споди.
Ієрей: І сподо́би на́с, Влади́ко, со дерзнове́нієм, неосужде́нно смі́ти призива́ти Тебе́ небе́снаго Бо́га Отца́, і глаго́лати:
Люди:
О́тче на́ш, і́же єси́ на небесі́х,
да святи́тся і́мя Твоє́,
да при́йдет Ца́рствіє Твоє́,
да бу́дет во́ля Твоя́,
я́ко на небесі́ і на землі́.
Хлі́б наш насу́щний да́ждь на́м дне́сь,
і оста́ви нам до́лги на́ша,
я́коже і ми оставля́єм должнико́м на́шим,
і не введи́ нас во іскуше́ніє,
но ізба́ви нас от лука́ваго.
Ієрей: Я́ ко Твоє́ є́сть ца́рство, і си́ла, і сла́ва, Отца́, і Си́на, і Свята́го Ду́ха, ни́ні і при́сно, і во ві́ки віко́в.
Люди: Амі́нь.
Ієрей: Ми́р всі́м.
Люди: І ду́хові твоєму́.
Ієрей: Глави́ ва́ша Го́сподеві приклони́те.
Люди: Тебі́, Го́споди.
Ієрей (тихо): (Hálát adunk néked, láthatatlan Király)
Благодари́м Тя́, царю́ неви́димий, і́же неісче́тною Твоє́ю си́лою вся́ соді́тельствовал єси́, і мно́жеством ми́лости Твоєя́ от небитія́ в битіє вся́ приве́л єси́. Са́м, Влади́ко, с небесе́ при́зри на подкло́ньшия Тебі́ глави своя́: не бо́ подклони́ша пло́ти і кро́ви, но Тебі́ стра́шному Бо́гу. Ти́ у́бо, Влади́ко, предлежа́щая всі́м на́м во благо́є ізравня́й, по коєго́ждо своє́й потре́бі: пла́вающим спла́вай, путеше́ствующим спутеше́ствуй, неду́гующия ісціли́, врачу́ ду́ш і тіле́с.
Ієрей (вголос):
Благода́тію, і щедро́тами, і человіколю́бієм єдиноро́днаго Си́на Твоєго́, с ни́мже благослове́н єси́, со Пресвяти́м і благи́м і животворя́щим Твої́м Ду́хом, ни́ні і при́сно, і во ві́ки віко́в.
Люди: Амі́нь.
Ієрей (тихо): (Hatalmas kezeddel méltóztassál nekünk átadni... )
Воньми́, Го́споди Ісу́се Христе́ Бо́же на́ш, от свята́го жили́ща Твоєго́, і от престо́ла сла́ви ца́рствія Твоєго́, і прийди́ во є́же освяти́ти на́с, і́же горі́ со Отце́м сідя́й, і зді́ на́м неви́димо спребива́яй: і сподо́би держа́вною Твоє́ю руко́ю препода́ти на́м пречи́стоє Ті́ло Твоє́ і честну́ю Кро́вь, і на́ми всі́м лю́дем.
Ієрей з Ієрейом роблять три поклони, мовлячи тихо:
Бо́же, ми́лостив бу́ди мні́ грі́шному.
Ієрей: Во́ньмим.
Ієрей (підносячи Агнець): Свята́я святи́м. (Szentség a szenteknek)
Люди: Єди́н свя́т, єди́н Госпо́дь, Ісу́с Христо́с, во сла́ву Бо́га Отца́. Амі́нь.
Ієрей (тихо): (Megtöretik és megosztatik)
Раздробля́єтся і разділя́єтся А́гнец Бо́жий, раздробля́ємий і неразділя́ємий, всегда́ ядо́мий і никогда́же іждива́ємий, но причаща́ющияся освяща́яй.
Ієрей (тихо): Ісполне́ніє Свята́го Ду́ха.
Причастя разом моляться:
Ві́рую, Го́споди, і іспові́дую - Teljes imádságot betenni
(Részesülök - test)
Че́стнаго, і Пресвято́го, і Пречи́стаго Тíла Го́спода, і Бо́га, і Спа́са на́шего Ісу́с[а] Христа́, причаща́юся аз, недосто́йний раб Бо́жий, ієре́й ім’яре́к, в оставле́ніє гріхо́в мої́х і в жи́знь вíчную. Амíнь.
(Részesülök - vér)
Че́стния, і Пресвяти́я, і Пречи́стия Кро́ве Го́спода Бо́га і Спа́са на́шего Ісу́с[а] Христа́ причаща́юся аз, недосто́йний раб Бо́жий, ієре́й ім’яре́к, в оставле́ніє гріхо́в мої́х і в жи́знь вíчную. Амíнь.
(Íme, ez illeti ajkaimat...).
Се прекосну́ся устна́м мої́м, і оти́мет безако́нія моя́, і гріхи́ моя́ потреби́т.
(Istenfélelemmel, hittel és szeretettel közelejetek!)
Ієрей: Со стра́хом бо́жим і ві́рою приступи́те.
Люди: Благослове́н гряди́й во і́мя Госпо́днє, Бо́г Госпо́дь, і яви́ся на́м.
Ієрей (причащаючи людей тихо мовить): (áldoztatás)
Честна́го і пресвята́го і пречи́стаго Ті́ла і Кро́ве Го́спода і Бо́га і Спа́са на́шего Ісу́са Христа́ причаща́єтся ра́б бо́жій (раба́ бо́жія) (ім’я), во оставле́ніє гріхо́в свої́х і в жи́знь ві́чную. Амі́нь.
(Üdvözítsd Uram, a te népedet...)
Ієрей: Спаси́, Бо́же, лю́ди Твоя́ і благослови́ достоя́ніє Твоє́.
Люди: Ви́діхом сві́т і́стинний, прия́хом Ду́ха небе́снаго, обріто́хом ві́ру і́стинную, неразді́льній свя́тій Тро́йці покланя́ємся: та́ бо на́с спасла́ є́сть.
Ієрей ( тихо мовить):
(Magasztaltassál fel az egek fölött...)
Вознеси́ся на небеса́, Бо́же, і по все́й землі́ сла́ва Твоя́.
Ієрей (тихо): Благослове́н Бо́г на́ш: Ієрей (благословляючи всіх людей Святими Дарами вголос мовить): Всегда́, ни́ні і при́сно, і во ві́ки віко́в.
Люди: Амі́нь.
(Teljenek be ajkaink...)
Да іспо́лнятся уста́ на́ша вале́нія Твоєго́, Го́споди, я́ко да воспоє́м сла́ву Твою́, я́ко сподо́бил єси́ на́с Бо́же причасти́тися святи́м Твої́м, пречи́стим, пресвя́тим і животворя́щим Христе́ Тво́їм Та́йнам: соблюди́ на́с Бо́же во Твоє́й святи́ні, ве́сь де́нь поуча́тися пра́вді Твоє́й. Аллилу́я.
(Igazhívők, részesülvén....)
Ієрей: Про́сті приї́мше боже́ственних, святи́х, пречи́стих, безсме́ртних, небе́сних і животворя́щих, стра́шних Христо́вих Та́їн, досто́йно благодари́м Го́спода.
Люди: Го́споди, поми́луй.
Заступи́, спаси́, поми́луй і сохрани́ на́с, Бо́же, Твоє́ю благода́тію.
Люди: Го́споди, поми́луй.
Де́нь ве́сь соверше́н, свя́т, ми́рен і безгрі́шен іспроси́вше, са́мі себе́ і дру́г дру́га, і ве́сь живо́т на́ш Христу́ Бо́гу предади́м.
Люди: Тебі́, Го́споди.
Ієрей (тихо):
Благодари́м Тя́, Влади́ко человіколю́бче, благоді́телю ду́ш на́ших, я́ко і в настоя́щій де́нь сподо́бил єси́ на́с небе́сних Твої́х і безсме́ртних Та́їнств. Іспра́ви на́ш пу́ть, утверди́ ни во стра́сі Твоє́м вся́, соблюди́ на́ш живо́т утверди́ на́шя стопи́, моли́твами і моле́ньми сла́вния Богоро́дици і присноді́ви Марі́ї, і всі́х святи́х Твої́х.
(megszentelésünk...)
Ієрей (вголос): Я́ ко Ти́ єси́ освяще́ніє на́ше, і Тебі́ сла́ву возсила́єм, Отцу́, і Си́ну, і Свято́му Ду́ху, ни́ні і при́сно, і во ві́ки віко́в.
Люди: Амі́нь.
Ієрей: С ми́ром ізи́дем.
Люди: О і́мені Госпо́дні.
Ієрей: Го́споду помолі́мся.
Люди: Го́споди, поми́луй.
Ієрей: Благословля́яй благословя́щия Тя́, Го́споди, і освяща́яй на Тя́ упова́ющия, спаси́ лю́ди Твоя́, і благослови́ достоя́ніє Твоє́, ісполне́ніє Це́ркве Твоєя́ сохрани́, освяти́ лю́бящия благолі́піє до́му Твоєго́: Ти́ ті́х воспросла́ви боже́ственною Твоє́ю си́лою, і не оста́ви на́с упова́ющих на Тя́. Ми́р мі́рови Твоєму́ да́руй, це́рквам Твої́м, ієре́єм, предержа́щим власте́м на́шим, і всі́м лю́дем Твої́м. Я́ ко вся́коє дая́ніє бла́го, і вся́к да́р соверше́н сви́ше є́сть, сходя́й от Тебе́ Отца́ сві́тов: і Тебі́ сла́ву, і благодаре́ніє, і поклоне́ніє возсила́єм, Отцу́, і Си́ну, і Свято́му Ду́ху, ни́ні і при́сно, і во ві́ки віко́в.
Люди: Амі́нь.
Бу́ди і́мя Госпо́днє благослове́нно от ни́ні і до ві́ка (3)
Ієрей (тихо): (ki magad vagy a törvény és a próféták teljessége)
Ісполне́ніє За́кона і Проро́к, Са́м Си́й, Хри́сте Бо́же наш, ісполни́вий все О́тческоє смотре́ніє, ісполни́ ра́дости і весе́лія се́рдца на́ша, всегда́, ни́ні, і при́сно, і во вíки віко́м. Амíнь.
Ієрей: Благослове́ніє Госпо́днє на ва́с, Того́ благода́тію і человіколю́бієм, всегда́, ни́ні і при́сно, і во ві́ки віко́в.
Ієрей: Сла́ва Тебі́, Христе́ Бо́же, упова́ніє на́ше, сла́ва Тебі́.
Люди: Сла́ва: і ни́ні: Го́споди, поми́луй (3). Благослови́.
(Воскреси́й із ме́ртвих) Христо́с, íстинний Бог наш, моли́твами Пречи́стия Своє́я Ма́тере, і íже во святи́х Отца́ на́шего Архієпи́скопа Константи́ня гра́да Іоа́на Златоу́стаго, і всíх святи́х, поми́луєт і спасе́т нас, я́ко Благ Бог і Человіколю́бец.
Люди: Амі́нь.